【遊戲新聞】為興祝廿五週年特製 《異塵餘生 Lego版》Fans 自製得意積木版並免費任玩

描述核戰後世界嘅知名系列《異塵餘生》(Fallout)今年正值面世 25 週年,官方有慶祝活動,Fans 亦有自己方法,當中有位擅長做小遊戲嘅玩家就自行製作《異塵餘生 Lego版》,將原作所有事物 Lego 化,同時又不失原作味道,最正係以免費方式推出,齊齊同樂。

 

 

《異塵餘生 Lego版》由 ThrillDaWill 花費數月完成,基本上就係將原《異塵餘生》變成大家玩慣玩熟嘅 Lego 冒險遊戲玩法,可自由切換第一及第三身視點。玩家將扮演 111 號避難所倖存者,醒來之後喺避難所入面尋找武器,嗶嗶小子再出荒地探索,會有各種道具以及武器供搜索拾取,仲有任務玩,不過講到最正嘅係連經典「VATS 射擊」都有得用,還原度甚高!

 

 

《異塵餘生 Lego版》已經於 itch.io 平台推出,免費遊玩,遊玩時數大約 3-4 小時,遊戲大小為 2 GB。現時雖然有唔少 Bug,但作者已經不停進行更新。

 

《異塵餘生 Lego版》下載傳送門

五木

動漫電玩宅,極愛金田一系列,擅長動作及策略遊戲

追蹤

更多文章