如果我話《刺客教條 2 (Assassin’s Creed II)》係《刺客教條》系列最佳作品，應該就冇人反對架啦？！依家武肺橫行，全球都唔敢外出嘅情況下，Ubisoft 決定將呢隻經典作品派通街。由即日到 4 月 17 號，大家只要到 Ubisoft 嘅 Uplay 平台，就可以免費下載《刺客教條 2 (Assassin’s Creed II)》。最重要係今次包埋兩個 DLC (弗利之戰 Battle of Forli、虛榮之火 Bonfire of the Vanities)，而且隻《刺客教條 2》亦會喺你 Uplay 永久保存。

未玩過嘅輕輕同你介紹返《刺客教條 2》講啲乜啦，故事其實係講文藝復興時代義大利一位年輕貴族 Ezio 被家族背叛後，同達文西結盟並且學習成為刺客大師，向家族報仇嘅經過。

如果你唔諗啦，決定一次過想玩晒成個第二集嘅三部曲，Uplay 都做緊優惠，一舊水都唔洗有晒三集。所以大家未玩過嘅，趁免費就快啲 Download 嚟試下呢隻經典作品啦！

《刺客教條 2》Ubisoft Store 傳送門