之前都有傳今年E3 2016會公佈《Red Dead Redemption 2(碧血狂殺 2)》，個風傳到咁大一定有唔少資料「外洩」啦。

有人就喺NeoGAF度出左個Post叫「New Red Dead Map Leaked？」，入面仲有張話係《RDR2》嘅外洩地圖。

就地圖所見除左上集有的雪山、平原、沙漠及峽谷外，仲有外島及沼澤地區，相信唔會只係騎馬遊水咁簡單，應該會有船隻作為載具。

但呢張圖好快就「被建議」刪除，咁當然你放得就好快比人cap低啦！而且有玩家一對之下，同第一集某鐵路線設定非常相似，所以相信呢張極大機會係「真 •RDR2」地圖，而且就地圖設計應該發生於美國東部地區。

更有網友發現，地圖中有個地方叫「New Bordeaux」，呢個就係《Mafia 3》所就定地「新奧爾良」嘅假名。唔通《Red Dead Redemption 2》將會同《Mafia 3》有合作？

相信今年E3 2016會有完整公佈，Fans就等多兩個月啦！