一直都俾人傳係流料, PS4，強化版終於得到證實！早前 Financial Times 訪談左 Sony Interactive entertainment  總裁暨環球執行長 Andrew House，佢直認堅係有呢部機存在，不過同傳聞有別，並唔會係下星期既 E3 現身囉。
House 佢話呢部加強版主要目標客戶群係追求品質既 Hardcore Gamers，因為呢部加強版最主要既分別就係擁有更高既圖形處理能力，而且可以支援 4K 解像度既遊戲同埋影音輸出，而且唔會同而家既 PS4有相容性問題，即係所有遊戲都會同時支援普通同加強版。追求 Quality of Life 既朋友睇黎要準備定換新機啦！

另外關於新機最多人留意既就係價錢啦，House 就無講到大約賣幾錢，但係就會比而家賣緊既 350 USD 版本既 PS4 貴 (廢話！)。而唔會採取 Replace 現行PS4 既銷售策略，係會用普通版採用互相補足既銷售形式，而且將會係 PS4 既生命週期裡面都會持續呢種銷售策略。

上面都有講到 House 提到唔會係下星期既 E3 現身，原因係 Sony 希望新系統完成晒之後先現身，希望比到玩家最好最完整既體驗咁話。至於幾時上市同埋傳聞話要新機先玩到 VR，就並無提及，雖然話 E3就唔會見到真機，但係就無話到 6月14日上午 9點既 Playstation E3 發佈會會唔會有相關消息，有興趣既朋友記得留意啦，我地都會再進一步為大家報導既。