啱啱 E3 既 Xbox 發佈會就公佈咗呢部新機啦，名就叫做 Xbox One S，基本上係 Slim 咗既加強版黎，硬件方面會有 2TB HDD跟，另外將會支持 4k解像輸出，而且會比舊機細 40%！

呢部高效能新機預計上市日期係今年 8 月，而家上官網已經有得訂架啦，500G 版本只係賣 USD 299，2TB 版本就賣 USD 399！將會支援 Netfilx 同埋 Amazon 既 4K 影音串流服務，而且可以播放次世代 UHD Blu-ray！而且係會穩定有 60FPS！最令人驚喜既一點係新機終於改善咗 Xbox 一貫既問題：外置極大隻火牛。今次新機將會內置埋火牛，以後就唔洗再煩隻火牛塞去邊啦！

今次新機仲會用埋新既無線手制，而且可以玩埋自訂手制，顏色可以自訂之外仲可以玩埋 Laser 刻字添！喂…再睇埋果堆新機護航作品……微軟今次真係開大絕啦，邊有咁多時間玩，我一日得24個鐘架咋！