近日係內地網絡上流傳多幅劇照，驚見其中一個女角色造型同《刀劍神域》GGO篇嘅朝田詩乃係一模一樣! 你冇睇錯，唔係似，無論狙擊步槍丶裝束甚至假髮都忠於原著!
朕即刻上網 check check，先知道劇照原來黎自中國愛奇藝公司網絡新劇《時空特戰隊》，係一套穿越劇，故仔大概講《時空特戰隊》係跨越時空做生意嘅組織，穿越時空完成各種任務，到最後遇到中國歷史上最霸道嘅BOSS －秦始皇 ! 睇完真係嚇一跳，然後得啖笑，完全唔關《刀劍神域》事，只係劇組完美抄襲朝田詩乃嘅造型姐，可以話係cosplay㖭~
其實角川及原作者川原礫真係已經授權開拍真人版電視劇，美國媒體 Skydance 有意開拍《刀劍神域》美劇，故仔由《Avatar》編劇 Laeta Kalogridis 負責，演員卡士仲未有定案。
都係果句，動畫真人化有幾多套係好睇….
幪面超人頭號粉絲，玩具figure 無一不歡，極喜歡玩潛入式遊戲。怎吃也不胖，只因最喜歡「食字」﹗人生座右銘是「自作樂，很快樂」。