之前都話過《The Last Guardian》要玩家一等再等，點知今日又有噩耗。

SIE 總裁吉田修平今日喺網誌就講到，今次要《The Last Guardian》廷期係一個艱難嘅決定，而且去到開發嘅最後階段，佢地遇到嘅問題比預計中多，所以需要額外時間先可以令《The Last Guardian》推到更淋漓盡致。

(大家都發現一廷期啲製作人聲明都似係同一份稿=.=”)

咁冇辦法啦，本來由 10 月 25 號推出，一遲就個半月。依家《The Last Guardian》嘅發售日期將會係 12 月 7 號，歐美就要 12 月 9 號先有得玩。

而作為玩家由 07 年聽到依家，你話遲多個半月，咪當聽住先囉，都係你確實出到先講啦！