《真.哥斯拉》都落左畫好一段時間，大家都開始忘記呢個熱潮嘅時候，日本Bandai今次玩到盡，雖然未去到1:1，但今次玩到接近兩米咁高，連尾有成三米咁長！(哪有地，你_母！)

呢隻嚟自 1991 年電影《戰龍哥斯拉之魔龍復仇》嘅哥斯拉係由大師酒井裕司親手製作，外形還原度接近 100% 。

比埋當年條預告片你對一對睇下啦！

加上佢嘅「體型」，你間屋冇返咁上下都放唔落！

講到咁，大家都估到呢隻野唔平啦！

冇錯，呢隻《Human size哥斯拉( 1991 北海道ver.)》開價 4,482,000円，計埋稅接近 480 萬日圓，計返港紙大約 35萬8左右啦。(哪有錢，你老_！)

仲要唔係你有錢就買到啊，全球限定 10 隻，並且以抽籤形式發售！

11月7號日本魂Shop開始抽籤，真係有錢有地仲要有運你先好去抽啦。