美國今個星期六丶日就舉行 BlizzCon 2016，今年亦都係 Blizzard 25 周年，而係 BlizzCon 2016 個商城已經售賣各大作嘅紀念品，當中有眼利嘅玩家就發現有線索推斷係 BlizzCon 2016 將會發佈嘅遊戲資訊。
「死靈法師」回歸 !?
BlizzCon 2016 個商城先前發售嘅其中一幅原畫透露《Diablo 3》可能會加入係《Diablo 2》嘅「死靈法師」，點解講「先前」? 因為官方已迅速下架。
講番幅原畫，人物外型同《Diablo 2》登埸嘅「死靈法師」非常相似，再加上幅圖主題寫明 necromancer – 死靈法師，而簽名更加係《Diablo 2》嘅藝術總監 – J.Mueller，官方迅速下架更顯「此地無銀」，所以「死靈法師」很有可能登埸係《Diablo 3》，又或者公佈《Diablo 4》!?
正式公佈 Sombra !?
另一個被官方迅速下架嘅就係關於《Overwatch》，仲未正式公佈嘅新角Sombra 一路都有好多玩家係 game 內 game外揾關於佢嘅資訊，網上都有好多聲稱係 Sombra 全相嘅圖或片睇到。
今次係官網睇到應該唔會錯，雖然未確認，同樣地簽名係負責《Overwatch》美術嘅 John Polidora，所以極大可能真係 Sombra 全相!
估估下都冇用，等埋今個星期就有答案，係時候拎番隻 《Overwatch》玩下先~
幪面超人頭號粉絲，玩具figure 無一不歡，極喜歡玩潛入式遊戲。怎吃也不胖，只因最喜歡「食字」﹗人生座右銘是「自作樂，很快樂」。