為咗配合啱啱係日本上畫既死亡筆記全新作品《死亡筆記：照亮新世紀》，官方 Youtube Channel 就放咗條大家都好熟悉既死神「流克」唱 PPAP 既片出黎，咁大家都知道「流克」本身同蘋果就極有關連架啦，估唔到佢個樣配落首歌度都係零違和，令到本身已經玩到爛爛地既 PPAP 都呃到我睇晒……
咁今次套新戲《死亡筆記：照亮新世紀》係由原作大場鶫、小畑健擔任監修既真人版電影，故事係全新製作既。主要係講之前電影版「夜神月」同「L」激鬥既 10年之後，繼承「夜神月」同「L」呢 2 位天才 DNA既後繼者登場。除咗主要既 2位主角之外，最重要既「死亡筆記」都會再次出現係人間界，仲要有成 6本添，然後就係圍繞住呢 6本死亡筆記本所引起爭奪戰對決啦。
《死亡筆記：照亮新世紀》香港會係 12月15日上映，而家就睇住「流克」PPAP 同埋電影預告 J 住先啦！
《死亡筆記：照亮新世紀》 電影預告
VJGamer總編，細細個已經蒲機舖，機齡甚深，熱愛電玩文化。