成個一月都好似 Dry Dry 地，不過鐘意玩恐怖 Game 既就好少少，除咗有月尾推出既《Biohazard 7》之外，今日仲有由台灣團隊赤燭遊戲所製作既恐怖 Game《Detention 返校》！大家都知道台灣啲民俗鬼故不嬲都有啲料到，呢隻 Game仲要係以 60年代戒嚴時期既校園做背景……鐘意台式民俗野既應該啱 J！
遊戲背景係設定是民國五零、六零戒嚴時代既架空世界，遊戲將會呈現台灣特有既文化同情境，而且仲會有恐怖 Game 好少用到既道教野、東南亞神怪傳說等等，都幾特別。而遊戲舞台就係一間偏遠山區入面叫「翠華」既中學 (唔係茶記)，一對偶然相遇既少男少女被困係呢個校園入面。於是 2條友就係呢間每個角落都隱藏住惡意又充滿詭譎氣氛既校園搵方法離開咁。
《Detention 返校》屬於音樂幾正既恐怖冒險解謎類型遊戲，2D橫向移動黎避啲怪，同時要探索校園入面被埋藏的過去以及挖掘故事中隱含既真相。遊戲於 1月13日上市，有 PC、Mac、以及 Linux 版本，承惠 $88蚊，有繁中、簡中、英文、日文揀。
VJGamer總編，細細個已經蒲機舖，機齡甚深，熱愛電玩文化。