《進擊的巨人》呢套作品我諗無乜人唔識啦，係 2015年果陣就上映咗由樋口真嗣執導，三浦春馬領銜主演，分為上下二集既漫畫改編真人電影。齋睇票房既話成績係唔錯，「前篇」上映首週票房已經達到 6億日圓，兩日觀看影人次有成 46萬7000人，係幾勁！而根據外媒 Deadline Hollywood 所報導，華納兄弟就傾緊《進擊的巨人》版權改篇重拍！

根據相關報導，項目將會由《怪獸與牠們的產地》製片人 David Heyman 負責，而電影將會以日本真人電影版作為改篇基礎。日本真人版《進擊的巨人》雖然有唔錯既票房…..但係評價都頗為負面，甚至有唔少人以為係同人作品黎 (都唔講佢果啲奇怪原創劇情同角色)，以呢個為藍本做改篇……真係唔該晒！

另外華納兄弟亦都表示過想改編日本經典動畫《阿基拉》做真人電影版，即係咁……二次元既野比佢留返係二次元好無，已經有好多原作崩壞真人化作品架啦…..求下你唔好再搞啦。