今年6月22日就有得睇最新一集《變形金剛》電影 – 《變形金剛：終極戰士》(Transformers: The Last Knight)，上次都介紹過所謂嘅亞洲版限定柯柏文及極高汁嘅mp大黃蜂(回帶傳送門)，今次官方就公佈其他角色嘅造形玩具，亮點當然落咗係柯柏文嘅死對頭 – 麥加登 !

麥加登係成個《變形金剛》電影系列嘅造形非常多，包括太空飛船，坦克車以及裝甲車，黎到今集《變形金剛5》，麥加登搖身一變成為一架戰機，裝備比以前星星叫更強，武器除咗有大砲之外，仲多咗把大刀，能力全面 upgrade ，加埋 trailer 所見柯柏文變奸(可能係)，博派面臨重大挑戰 !

麥加登先前嘅造型

今集造型

Leader class  麥加登

V class 麥加登

除咗麥加登之外，仲有其他新角色，包括綿羊仔 Sqweeks，疑似第一騎士 – Steelbane。上集嘅恐龍派依然登場，仲有大黃蜂丶Hound丶Crosshairs丶Drift都以新形態出戰。

綿羊仔 Sqweeks

疑似第一騎士 – Steelbane
(先前網上流傳嘅電影場景)

恐龍派

大黃蜂

Hound

Crosshairs

Drift


以玩具角度黎講，一貫孩記風格，恐龍派沿用舊模上新色，但其他角色都有新造型，車型同人型都重新設計，新角色 Sqweeks 亦細心地加上舊化上色真係值得到一讚 。經過十年嘅《變形金剛》電影玩具發展，車型同人型都完成度都好高，可動度都唔弱。

最後今集重要角色 – 火棒 (Hot Rod) 玩具造型仍未曝光，係1986年動畫電影 《The Transformers: The Movie》火棒正正係柯柏文嘅接班人，唔知今次電影劇情會唔會發展成咁呢 ? 真係要等6月先知~