今日正式見街既《NieR：Automata》相信大家都等咗好耐啦 (鬼咩隻 Game 又好玩條女又好丁)，琴日北美 SE 仲放咗條片出黎話比你聽原來隻 Game 唔係得劍一樣武器，仲有短劍、長矛同拳套添，同時北美 SE 仲話埋比大家聽美版既《NieR：Automata》會係 3月7日 PS4 發行之外，仲會係 2017年內 Steam 上架，配合 PC強勁效能…….喂淨係玩樓梯都玩幾日啦下話？

上面講到 2017年內 Steam 上架，外媒就有爆料話個日子會係 3 月 10 日，如果係堅既咁都唔洗等好耐啦，當然之前既台北電玩展入面都有提過隻 Game 係會有繁體中文版，睇個勢應該都唔會要大家等好耐啦，等唔切既就玩住日版先啦，話晒人型彈幕 Game 真係無乜架咋！