《薩爾達傳說:荒野之息》新玩家必學最速拎防寒衣流程!

啱啱進入《薩爾達傳說:荒野之息》既玩家相信都會遇到第一個卡關位,就係開頭叫你去果四間神殿有二間係係雪山上面既,就咁行上去基本上實凍死。當然你可以瘋狂執辣椒霸氣地衝上去既……不過正路黎講其實著返件防寒秋蟬牌羊毛內衣咪得囉!而呢件本地名牌跟足下面流程黎做其實十分鐘都唔洗就搞掂,即刻去片!

 

一開始去呢間屋仔度先

 

屋仔所在位置,「始まりの台地」、時の神殿跡下面

 

讀屋入面本日記

 

之後去前面個樹林同佢傾下計等佢行返去間屋度

 

話說屋入面老友記本日記講佢發明咗道料理,叫做「邪惡香辣三重海鮮拉絲黑豚肉料理」,食咗之後有壯陽 防寒功效。不過條料理配方就淨係記得有生肉同辣椒,仲有一種材料唔記得咗。咁好明顯係叫你整返呢味野出黎啦……

 

叫得做「邪惡香辣三重海鮮拉絲黑豚肉料理」,佢又同你講咗有生肉「ケモノ肉」同辣椒「ポカポカ草の実」,咁淨返落黎既就好明顯係海鮮啦!

 

辣椒「ポカポカ草の実」係枱上面有2條,唔洗教啦下話?

 

生肉「ケモノ肉」可以係精靈之森打野豬之類既動物出

大約位置

 

海拉魯鱸魚「ハイラルバス」

 

時の神殿隔離個湖,跳落去捉就得

 

搵齊食材就可以返去間屋度準備煮野食啦,咁要煮料理首先就要去有火有鍋既爐度,屋仔前面就有一個架啦。然後撳 + 入去素材果欄,去你想用既配料度揀「拎係手度」,然後撳返 B 制出去再落鑊爆佢幾野就食得架啦!

 

先揀食材

 

拎晒上手先

 

 

落鑊爆香佢!

 

完成!

 

秋蟬牌羊毛內衣入手!

 

當然其實你都可以用同樣方法做多2兜料理直接衝上山既……大約係下面幅圖附近都會見到呢個老友記,你衝到上去搵佢既話佢就會話「嘩天寒地凍你都上到黎,陰功啦,我送件 Heattech 過你啦!」,真係神又係你鬼又係你……

 

回帶相關文章:

《薩爾達傳說:荒野之息》進階版一分鐘激賺一千盧比

《薩爾達傳說:荒野之息》狼隊友、最強之馬艾波娜入手方法!

【齊齊做富翁】《薩爾達傳說:荒野之息》前期一分鐘激賺一千盧比

《薩爾達傳說:荒野之息》爬山必備心法:梯雲縱

捉馬唔一定要硬上既!《薩爾達傳說:荒野之息》馴馬教學

 

森麻

Avatar VJGamer總編,細細個已經蒲機舖,機齡甚深,熱愛電玩文化。

追蹤

Facebook 更多文章