【食尾水?】老任新手提機「N2DS XL」正式現身!

係阿,老任好勤力又出新機,不過今次呢部「N2DS XL」其實只係 N3DS閹割版,同之前部2DS一樣去除咗個裸眼3D功能,其他野就同N3DS基本上一樣,上 Screen Size 4.88 吋同 N3DS一樣(相信解像度都係會得 400x240px),重量就輕咗少少 260g,Game 方面就全面對應所有 N3DS 遊戲。


至於大家最關心既野就係「車我都買咗 Switch啦,洗鬼買你部 N2/3DS 咩」,呢層其實都係諗多咗啦。事關之前任天堂總裁君島達己接受彭博通訊社訪問果陣已經講過3DS個勢好旺,而且亦都前景明朗,係咁既情況下老任係希望 3DS 同 Switch 二者都能夠並存。而老任美國總裁 Reggie” Fils-Aimé 亦都講過 3DS 仲會有好長既路要行,之後仲會有大量遊戲大作會推出,大家唔洗擔心咁話。

 

咁呢部「N2DS XL」定價就 14980日圓,即係大約一千蚊鬆啲,7月13日發售,顏色暫時就得2款,至於抵唔抵買就. …..