【遊戲評測】超高質大作《Injustice 2》- 進入格鬥新世界 (上篇)

香港一直以黎既主流格鬥 Game 都係《KOF》系列同《Street Fighter》系列，以前百花齊放既時候仲有好多 SNK 既格鬥 Game (當然仲有《GGX》、《豪血寺一族》等等)，有唔少格鬥迷仲會玩埋 3D既《VF》、《DOA》、《鐵拳》等等，之但係美式格鬥係香港就一直唔太多人玩。

想當年超任年代既《Mortal Kombat》(真人格鬥) 都曾經叫 Hit 過，但係去到新世代都唔係太多人玩。但其實係外國《Mortal Kombat》、《Killer Instinct》甚至《Injustice》都有大量 Fans，前2隻更加係上年既 EVO 比賽項目黎，今年《Injustice 2》亦都加入埋 EVO 既比賽項目添，一隻咁出色既遊戲當然要為大家詳細做個 Review！呢一篇主要講解遊戲模式、畫面等等立雜野，下一篇就會詳細講戰鬥系統。

EVO 2016 比賽項目

先講講畫面，其實隻 Game 畫面真係靚到裂，根據 Eurogamer.net 既資料，各機既畫面輸出數據如下：

Xbox One 1600 x 900 @60fps

PS4 1920 x 1080 @60fps

PS4 Pro 2560 x 1440 @60fps

再比大家睇睇圖 (圖為 PS4 Pro畫面)

畫質基本上係無可挑剔，不過大部份角色既面相都唔係幾啱香港人口味，尤其女角甚有師奶 Feel添……Super Girl 叫最索架啦……咁我玩落就發現解決呢個問題既方法，就係……用晒啲睇唔到樣既面罩！

毒藤女都甚有師奶味……

覺得樣衰既，換裝咪搞掂！

首先講一講遊戲基本系統，每個角色都有自己既 LV同裝備，上限係 20LV。基本上透過對戰又或者開箱都會得到唔同級數既裝備 (有時仲會中技能添)，裝備除咗能力值之外最重要既就係會改變角色既外觀！好啦咁你會話如果件裝著咗好靚仔但係能力值係廢既點算？唔洗驚……隻 Game 既合成系統唔單止有得洗數值，仲可以保留能力但係合成另一件裝備外觀落去，成件事令到隻 Game 毒到喊！(當然你同 FD 對戰果陣係可以 off 咗裝備能力值既)

任何模式下既對戰都有機會拎到裝，就算同 FD 1VS1 都會有的

係呢度可以洗裝備既數值，建議拎到自己鍾意既外觀先洗能力值

裝備分白、藍、金三個等級

遊戲模式方面就豐富到核爆，不過基本上都係主要玩 Story Mode、The Multiverse、AI Battle Simulator、Practice 同 Online 對戰咁。

Story Mode黎講就同我地接觸開既格鬥 Game 幾唔同，佢整個故事模式係由所有既角色黎進行一個大劇本 (成76關……)，就好似睇戲咁。而最特別既就係隨住故事既推進會發生唔同既事件，每次都會有二隻英雄比你揀其中一隻黎用，當然揀唔同人就會衍生唔同既情節啦。

如果想解鎖全部角色同埋知道故事全貌既話就最少要完成2次故事模式以及用過晒全部英雄先得，呢點係幾正的！

淨係故事模式都有成 76關…..我第一次玩格鬥 Game 玩到要 Save……..

唔少關卡會有分支，選擇唔同既角色會睇到唔同既野

遊戲入面最重要既模式：The Multiverse

如果你以為隻 Game 只有 Story Mode 係講故仔你就錯晒啦…..其實係 The Multiverse 入面有 3關 Battle Simulator，係呢個模式下每個角色爆機之後都會講返相應既故事 (似 SF咁)，淨係玩晒基本 28 隻角色都有排……

Story Mode 睇唔到既故事

另外係 The Multiverse 下會有類似手機 Game 既日任 / Event，每過一段時間都會刷新特殊關卡比你打，贏咗就會有相應既獎勵。而係呢個模式最勁既一樣野就係會隨住電影 / 電視劇上映就會有機會加入當中既元素落隻 Game 度！好似啱啱就加入咗「Wonder Women」關卡，當完全通關之後就會得到成套電影服裝，如果你以為淨係得件衫你就實在太天真鳥，因為今次仲加入埋電影 Trailer 果招跪斬，型到裂！！

Multiverse 模式下，每個星定時都會更新，左下角就係因應 Wonder Women 電影上畫既 Event

完成每個關卡都會得到一件 Wonder Women 電影造型既金裝

全套電影套裝！(如果有得換埋個樣就好，你當佢毀容版啦)

當然唔少得電影 Trailer 果招滑行劈啦！

達成任務需求會有額外既箱送

係 The Multiverse 入面其實仲收埋咗個 Endless Mode，係呢個模式係相對地易升 LV同刷裝，建議係呢度升多啲角色 20LV先，因為所有箱都係根據你得到果時既角色 LV 黎決定強度的。

Endless Mode，刷LV最佳地方

超細心既設計，只要 Set 做 AI Loadout 就可以等佢自己打刷裝 / LV

AI Battle Simulator 基本上係要黎比你掛機用，先選擇對手，然後選3隻角色對打，全程由電腦控制，可以較 4x 速度 Fast Forward。配合埋連射制都係一個唔錯刷裝刷 LV 既模式，當然升 LV 速度會慢過 Endless Mode啦。

4X 速掛機爽皮

至於 Practice 同 Online 對戰我諗都唔洗點講啦…..可能好多人都會話同外國連線會唔會好 Lag？咁我打 Ranked 實測過黃色線都係順的，至於紅色線…..Sor 我唔敢試。同本地連線只要對方條線正正常常都係非常順的，我 2個測試對象直頭用電話 Share Wi-Fi 都玩得順，我諗做到咁已經好好啦下話？