唔知大家有無玩開 Idol 向嘅手機 Game 例如Lovelive! 或者 Ichu？其實近年無論係女性向定男性向，市面上以 Idol 偶像作為題材嘅 ACG 作品絕對係多到癲！

不過今日要介紹比大家嘅《Project Tokyo Dolls》其實就咁睇到官方張宣傳圖，大家都估到呢個遊戲唔係淨係玩音樂節奏或好感育成咁簡單！主角群表面上係偶像，但真正身份居然係政府嘅秘密戰鬥機關，日頭賣萌，夜晚浴血，唔通係音遊再加 RPG？真係咩元素都比佢玩哂噃！

我原本都無話好大興趣，直至睇咗 Trailer，見到女主角 Sakura 原本只係興高采烈去睇演唱會，點知離開嘅時候，比夜間出沒嘅異型襲擊，一秒慘死！呢啲登場就領便當嘅安排，即刻引起我嘅注意。

人設靚就必然架啦，話哂都係 Idol 主題；官網已經公開咗組合日間 Idol 造型同埋夜間戰鬥造型。

我再望一望有咩聲優擔當，嘩，不得了！

唔知大家會唔會同我一樣好留意聲優動向，所以我舉咗啲例，比大家參考吓聲優群主演過咩作品：

【佐倉 綾音】魔法少女育成計劃（菈・普賽兒）、Charlotte（友利奈緒）

【久保 ユリカ】LoveLive!（小泉花陽）

【鈴木 絵理】IDOLM@STER CINDERELLA GIRLS（堀裕子）

【Lynn】高校艦隊（宗谷真白）、競女（神無望）

【本渡 楓】競女（青葉風音）

【石原 夏織】CROSSANGE 天使與龍的輪舞（羅莎莉）

【内田 真礼】中二病也想談戀愛（小鳥遊六花）、IDOLM@STER CINDERELLA GIRLS（神崎蘭子）

【竹達 彩奈】K-ON!（中野梓）、我的妹妹哪有這麼可愛（高坂桐乃）

【遠藤 ゆりか】天使的3P（紅葉谷希美）

咁多套大熱作品，大家應該點都有睇過一兩套，睇埋角色名，係咪即刻有少少印象呢？

至於玩法，要增加角色好感度、又要偶像培訓；至於夜晚點戰鬥呢？官方目前仲賣緊關子。

目測模組應該幾靈活

係咁cap佢圖…我諗我本命會係佢

現實有眼鏡娘咁同你講野你會點？

少有公開嘅戰鬥畫面

遊戲而家仲開放緊事前登錄！想一開 Game 就拎多啲獎勵，大家都係先登錄吧！

【事前登錄傳送門】

最後送上官方宣傳片！大家睇完同神婆一齊開新坑啊！