神婆唔係淨係睇 BL，百合我都啱的 ❤ 所以我見到光榮新作《無夜國度2》嘅設定之後，真係忍唔住介紹比大家啊！

遊戲同時登陸 PS4、PSV、Switch 三個平台！你無藉口話無機種啱啦？ ( 編按: 我得 Xbox 點算 🙁 )

遊戲預計 8月31日上市 ❤

簡單黎講，佢係一隻即時戰鬥動作 RPG，不過遊戲入面無勇者，無成身汗嘅大隻佬！
因為上至聖騎士、下至魔法師，全部都係水潤潤＋發育良好嘅美少女，首先黎睇吓張人設圖先啊 ↓ (*ﾟ∀ﾟ*) ↓

咩屬性都有齊，一定滿足到我……同你！

故事背景好簡單，無玩過上集都唔緊要！

簡單黎講，自從上集大戰過後，世界陷入混沌；日間係「人類」嘅世界，但係夜晚，就係「邪妖」橫行嘅時候。教皇廳嘅巫女リリアーナ，為咗對抗不斷來襲嘅邪妖，被挑選成為獻比「月の女王」嘅祭品「刻の花嫁」。

而玩家飾演嘅女主角アルーシェ，就係リリアーナ嘅青梅竹馬兼近身守衛（呢一對係官配 www） 喺你帶緊リリアーナ去「月の女王」嘅時候，比人攻擊，死咗；醒返嘅時候，發現教皇廳為咗令自己復活，將自己變成半邪妖，目的係要你搵返失蹤咗嘅 リリアーナ！

就咁睇個大綱我覺得幾 OK，老套但係不失萌點（笑）

而且……你睇埋下面就知，呢個遊戲好多福利，散發住濃濃嘅禁斷の味！

女角色唔會露骨地下下除衫比你睇，但係啲互動又好鬼令人想入非非 (〃∀〃)

戰鬥方面成日都會需要兩個人出合作技。

話哂光榮出品，喺戰鬥流暢度＋招式華麗度方面，我真係100％有信心！ 

目前仲未有試玩版，不過淨睇 Trailer 以及截圖，我覺得呢個戰鬥指令界面應該非常易上手；同埋玩家都需要按角色嘅能力同職業去分配戰場上嘅崗位，似乎都要講少少戰術。

咁多場景變換嘅話，探索如果淨係一味行行企企就太可惜了！

場景就咁睇黎都會有啲機關……會唔會好似《影牢》咁呢？LOL

官配出現了（但我唔萌巫女…）

既然個 Game 下下講二人合力，你同每個角色之間嘅牽絆當然係好緊要 ❤

呀唔係，人地唔係叫絆，直情叫親密度添呀 ❤

好感 Event

隨住好感提升，能力值都會有所加乘

咁到底我一開始講緊百合、禁斷、誘人……又喺邊度？

嗱，一日未玩到個 Game 我都唔會講咁多，但我精心 Cap 咗一堆圖比大家參詳參詳 (〃∀〃)

巫女要呷醋了（指）

同床Play

呢個眼鏡娘唔得掂，睇片都知佢係鬼畜女王系

大家睇完之後會唔會有興趣想玩呢？(*ﾟ∀ﾟ*)

我自己就好期待啊！八月尾出呢個遊戲，簡直係為炎夏添加一點清涼感（喂）

我而家只係猶疑緊：到底玩 PS4 版好定 Switch 版好呢？

你地話呢？(*ﾟ∀ﾟ*)

最後為大家送上兩段 Trailer ❤

養眼篇：

戰鬥系統類似DQ無雙咁，詳情睇戰鬥篇呢條片了解：