啱啱就打完既一年一度格鬥界最大型世界比賽「EVO 2017」誕生咗 EVO 史上首位台灣冠軍，選手 ET 憑住《KOF XIV》呢個項目贏得呢項殊榮，而且最尾一場簡直精彩到核爆，絕對係實至名歸！

係決賽由台灣選手 ET 對上上屆 EVO《KOF XIV》(Side Tournament) 冠軍中國選手「小孩」，本身 ET 先取 2局領先，只要再贏一局就會順利得到冠軍。但係小孩係第3局轉陣，放棄 KULA 轉用紅丸後連追 2局。

到決勝局小孩呈絕對有利狀態，領先一隻有一半血既紅丸，而且對上 ET 最後既大門仲入咗 1 set 連招，但係 ET 沉著應戰快速擊敗紅丸，以輸大約 2個重拳既血量進入最後一局。

去到最後一 Round，小孩既八神庵先用一 Set 連技打到大門殘血，但係小孩忘記咗大門係最接近神既男人 (94年都2016年先開眼阿陰功)，大意地中咗大門既開眼反技超必，成功放咗八神一半血，最後以一個 LK 起手入一套連技 KO 八神，成功為台灣得到第一次 EVO 冠軍，恭喜恭喜！

最後 EVO 2017《KOF XIV》前 4 依次序排名分別係 ET、Xiaohai (小孩)、Luis Cha 同 ZJZ。

恭喜晒 ET