今年係《Kingdom Hearts》系列推出嘅 15 週年，唔知大家前排有無玩返佢嘅 HD 版合集呢？

上次系列推出正傳遊戲，已經係 2005 年嘅事啦！當時仲係打緊 PS2 啊陰公 LOL！

等咗超過十年，終於等到《Kingdom Hearts 3》，預計 2018 年上市；

前幾日官方就公佈咗遊戲入面其中一個新嘅世界觀，居然係《Toy Story》！！

睇 Trailer 見到呢個場景，即刻叫咗出聲

黎到 Toy Story 嘅世界，幾位主角都玩具化咗

係胡迪警長呀！！拎相機黎（誤）

❖ 故事背景 ❖

好難用三語兩言同大家回顧過去兩集故事，不過，簡單黎講，Kingdom Hearts 嘅主題，就係穿越「世界」與「世界」之間嘅「門」去串連唔同嘅人物同劇情（咁 Disney 同 SE 社合作嘅原因都係咁…orz）所以過去嘅遊戲入面，先會呢邊有 Disney 角色，呢邊又有 Final Fantasy 嘅角色。

今集嘅主角依然係 Sora、高飛同埋唐老鴨；不過隨住時間過去，Sora 喺外型上已經成長不少；黎緊嘅第三集入面，佢地為咗尋回「心を戻す鍵」而再次進入唔同嘅世界展開歷險。

❖ 戰鬥模式 ❖

遊戲採取即時遇敵制，似乎唔需要講回合同埋技能 Cool Down；而戰鬥系統十分靈活，就咁睇有少少似 FF15 嗰種戰鬥模式！

令我諗起 PS3 年代 Toy Story 隻遊戲

見怪就打

唔通係呢個世界入面嘅大佬？

靈活武器變化都係遊戲賣點之一！Sora 本身嘅武器似乎會隨住吸收力量而升級 / 變型而產生唔同嘅招式；除此之外，善用場景道具、或者留意戰況嘅話，只要抓準時機，仲可以將敵人變成自己嘅武器！

例如捉住敵人當鐵球咁 fing fing 下攻擊

操控原本係敵人嘅機械人黎攻擊

陰公係 FF 隻仙人掌 XD

唔通呢個係真正嘅 BOSS？

遊戲詳細嘅劇本仲未公佈，所以目前可以同大家分享嘅部份淨係得咁多！

不過，見到 Toy Story 應該有唔少朋友同我一樣「嘩」咗出聲！

唔知睇埋以下呢個 Trailer，會唔會增加你想玩呢個遊戲嘅意慾呢？