有留意開動畫消息嘅朋友或者已經聽聞過《紫羅蘭永恆花園》（ヴァイオレット・エヴァーガーデン）；原著輕小說經 KA Esuma文庫出版（其為京都動畫公司設立之子公司），以獨特嘅世界觀以及細膩嘅筆觸，成為「京都動畫大獎」得主。

原著小說分為上下集

「京都動畫大獎」係指由京都動畫（通稱為京阿尼）頒發嘅獎項，呢個獎出名難拎，因為京阿尼嘅評審非常苛刻！獎項主要分為小說賞、漫畫賞及腳本賞，而《紫羅蘭永恆花園》於 2014 年拎嘅係京阿尼最難拎嘅大賞！所以《紫》於 2016 年中宣佈會動畫化之後，已經備受期待與注目。

《中二病也想要談戀愛！》及《Free！》分別為 2010 ＆ 2011 年京阿尼小說賞得主

京阿尼對《紫》明顯都充滿信心，為咗令更多唔同地方嘅朋友可以睇到呢套優秀嘅作品，再加上「Netflix 野心擴大」，所以呢套 2018 年 1 月 開始放送嘅動畫，有 Netflix 嘅朋友都可以同步睇得到！

【故事大綱】

《紫》嘅故事主線圍繞女主角 Violet Evergarden。Violet 過去曾經係一個人形兵器，而家就係一個「自動手記人偶」，功能係將人類嘅話語轉化為文字，作為書信，再幫人傳達；簡單黎講有少少似一個送信人，只係多咗一層溝通媒介嘅身份。

隨住故事發展，到底 Violet 會喺接觸唔同客人嘅過程入面，譜生出點樣嘅故事？作為「人偶」嘅佢，卻同時有住人類嘅想法同感情，佢嘅過去到底又發生過咩事？

【主要聲優陣容】

Violet Evergarden（ヴァイオレット・エヴァーガーデン）

CV. 石川由依（《進擊之巨人》米卡莎、《NieR: Automata》2B）

Hodgins（ホッジンズ）

CV. 子安武人（《新機動戰記高達 W》傑克斯・馬吉斯、《銀魂》高杉晉助）

Gilbert Bougainvillea（ギルべルト・ブーゲンビリア）

CV. 浪川大輔（《機動戰士高達0080：口袋中的戰爭》亞爾、《女神異聞錄4》鳴上悠）

「至今，我還是理解不了啊」

京阿尼出品動畫，必屬佳品……我相信唔會有人唔認同呢種講法。作畫精細以及善用配樂係京阿尼動畫嘅特點，咁多年黎，無論係電視動畫，或者近至今年嘅 OVA「聲之形」，相信有睇過京阿尼作品嘅朋友，都一定比佢嘅劇本同動畫製作而感動過。

今次《紫》都唔例外，淨係睇完幾個 Trailer 唔知點解個心已經痛痛地！呢套動畫絕對係我來年必看之一（如果有時間當然想睇埋原著小說啦）

大家一齊等2018年1月嘅放送吧

最後送上《紫》的兩條宣傳片：）