任記新一代主機大部份既遊戲都比人覺得係合家歡阿，卡通化咁，就算係《薩爾達傳說：荒野之息》都有人齋睇個畫面就話隻 Game弱智、比細路仔玩咁 (我當然笑而不語)。所以當《The Elder Scrolls V: Skyrim》呢隻 Game 話會出係 Switch 既時候唔少人都好興奮，話晒都係出過 n次既大人向 (?!) 遊戲嘛！而且係啱啱德國科隆Gamescom 度仲展出咗實機試玩片段，睇黎唔錯啵！

今次呢段實機試玩片係由外媒GameXplain所拍攝，係片段入面見到畫面質素都叫做唔錯，流暢度亦都幾高，不過可能係條片無乜敵人既關係啦……。至於係宣傳片入面所講既體感操控係試玩片段就見唔到，仲未知實際情況係點，希望 TGS 果陣有得試啦！

至於上古系列最好玩既 Mod 就9成9都無，反而大家都非常關心既就係會唔會有中文化，我地估計都好大機會會有，因為其實 PC 版就一早有繁體中文字幕，所以有都係正路。

根據外媒之前既估計，《The Elder Scrolls V: Skyrim》將會係 2017年 11月26號推出，不過呢個係非官方日期，都係要等進一步消息。

其實一早就有中文化