有留意日系作品嘅宅友一定有聽過《東方 Project》呢個系列，由一開始嘅 PC 彈幕遊戲、去到近年嘅 PS4 3D 格鬥遊戲，再加上多到不得了嘅同人音樂周邊故事創作，《東方》絕對係日本宅宅文化一個衝破同人界限嘅代表（笑）
而家問題就黎喇。咁大個坑，你避得一時，避唔到一世（喂）我諗都無諗過《東方》而家宣佈會將系列遊戲落 Switch 啊！你要明白《東方》係有 N 咁多條支線、N 咁多個遊戲、N 咁多個故事，而家宣佈落 Switch 嘅係 2016 年出喺 PS4 / PSV 嘅《東方紅舞闘V》，雖然只係移植，但呢個 Game 只係落 Switch 計劃嘅第一彈！咁係咪意味住黎緊《東方》嘅新作都可以喺 Switch 玩到呢？
《東方紅舞闘V》係一隻二人對戰遊戲，戰鬥角色都係耳熟能詳嘅東方角色啊！
截圖為 PS4 畫面；不過落 Switch 時會再修整畫質；雖然話係 3D 格鬥，但活動範圍都幾大
角色技能都帶有系列經典嘅彈幕風（笑）
遊戲支援 2P 對打，不過中間斬開兩個畫面個視點望落去好窄 orz
遊戲中仲有故事模式可以解鎖，Fans 一定唔會失望
同所有格鬥遊戲一樣，Switch 版可以設定自己慣用嘅攻擊按鍵
講起《東方》系列就不可不提以下呢位 Cosplayer：Grace Kaori！佢係香港其中一位 Cos 東方系列 Cos 到出哂名嘅 Cosplayer，知道 Switch 可以玩到《東方》系列時，佢仲好熱心咁話可以幫手介紹同比資料我添，是個有禮貌又熱心的好孩子 (*ﾟ∀ﾟ*)
接下來比大家欣賞吓 Grace 神還原《東方》三位角色嘅 Cosplay 圖（心）
可愛風的「靈夢」
萌到我鼻血直噴嘅「純狐」！我超喜歡呢一張，好撫媚啊（心）
最後係 Grace 本人最喜歡的角色「紫」！
嘿嘿～如果睇完 Cos 圖對《東方》呢個遊戲有興趣嘅朋友，就要繼續留意 VJG 嘅文章了，因為發售日期同定價都仲未公佈的，淨係知道遊戲唔會出實體版，只在 e-Shop 發售～（可參考【使用 Paypal 為任天堂 Account 增值】一文）
另外如果你想看更多 Grace Cosplay 的美圖，歡迎你 Follow 佢嘅 Facebook Page 喔！
遊戲雜食向，FPS 苦手，全種類 RPG 專攻，重度聲優控。使用機種：Xbox Series X｜PS5｜Nintendo Switch｜Steam Deck。