就算你有無打開 Online Game，都應該知道日系老牌 OLG《夢幻之星 Phantasy Star Online 2》（簡稱 PSO2）吧？遊戲自 2012 年開放伺服器到而家，人氣一直超強大，2016 年仲推出以遊戲主線為劇本嘅動畫添。

遊戲推咗以來，分別登錄 PC、PS4、PSV 三個平台；而為咗令更多玩家可以玩到《PSO2》，遊戲於今朝舉行嘅「Nintendo Direct」入面宣佈將會於 2018 年登錄埋 Switch！

特別嘅地方係：Switch 版《PSO2》並唔需要玩家購買實體版，只要 DL 個 Application 就可以玩；下載同基本遊玩係免費的。如果本身有玩開呢個 Game 嘅玩家就更加唔需要擔心，Switch 只係一個平台，Server 係共通的，所以唔需要擔心網上 Data 攞唔返之類嘅問題。

不過 Switch 上網打機一向耗電量快，如果有朋友係打算出街打呢隻 Game 嘅，係時候搵定隻勁嘅尿袋，或者從此好似我咁，帶住火牛同條線出街啦！