被喻為繼《薩爾達傳說：荒野之息》後最具殺傷力既作品《Xenoblade Chronicles 2》終於有正式發售日期啦，除此之外仲公布埋長達八分鐘既新宣傳片同埋特別版以及新配件外觀同價錢，唔講咁多去片先！

係片段入面見到延續返上集既世界設定：人類生活係遠古巨大生物上面，並且係上面建立唔同既國家。主角 Rex 將會同幾好丁既 Pyra 將會共同探索世界各地既古文明遺跡。

至於發售日期 Nintendo Direct 入面就宣布《Xenoblade Chronicles 2》將於 12 月 1 日上市，一般版同 Download 版為 7980 日圓。而特別版就會有跟鐵盒、原聲配樂碟、畫冊同一個特別版外盒，盛惠 10980 日圓。

另外仲會同布出埋「Nintendo Switch Pro Xenoblade Chronicles controller」，賣 7480 日圓，老實講我覺得幾靚仔，未有 Pro 制既值得考慮入手。