基本上應該每位 Switch 機主都必入既作品《Super Mario Odyssey》係今朝既 Nintendo Direct 公布咗新片。除咗釋除大家疑慮點解 Mario 會變咗玩鬼上身之外，最重要既係透露咗唔少大家都想知道既野，例如遊戲並非 Open World 、有多套服裝更換等等，立即去片先！

影片展示咗多個遊戲世界，分別有都市之國、砂之國、料理之國、森之國、帽子之國、滝之國、雪之國同埋海之國，當然就未必係全部既版圖啦。最重要一點係並唔係全區域 Open World，而係每個國入面任意遊玩探索，似乎真正 Open World 既 Mario 要再等下先有啦。

國與國之間並非無縫連接

海之國有得係水面上跑！

而要進入第2個國家必要既條件就係「Power Moon」，遊戲入面有多種途徑可以收集。影片所展示可以收集到「Power Moon」既方法有隱藏地點、打 Boss、幫助 NPC 等等，當中最有趣既相信就係玩各種 Mini Game 呢個方法！

有多種 Mini Game

利用變身能力幫助 NPC

當然唔少得 BOSS 戰啦！

係之前既影片已經知道今集係可以換裝，但係原來係有非常多套衫比你換的，除咗墨西哥裝，仲有 Dr. Mario、探險家裝雪地裝等等，同時更展示咗 Mario 係會有自己屋企，不過就未知間屋有乜功用啦。

Mario 有屋企！

新增自拍功能，都幾多 Effect 玩

變返橫向 8Bit 版 Donkey Kong

向 Sonic 「致敬」？

《Super Mario Odyssey》推出日期定為 10月27日，同日仲會有三款新既結婚造型 Amiibo 推出，而且會對應返唔同既功能。另外仲會有埋新版 Joy-Con、保護套同埋同捆特別版主機，有興趣既朋友好拿拿聲去訂啦！

新 Amiibo in Game 功能： Mario – 一定時間無敵，Peach – 增加心上限，Bowser – 顯示地圖金幣位置