初回特典版大家都好熟係咩黎啦，估唔到今次老任會為《薩爾達傳說 曠野之息》推出呢個次回數量限定版！呢隻新裝版叫做 《ゼルダの伝説 ブレス オブ ザ ワイルド ～冒険ガイドブック＆マップ付き～》 ，即係會附贈埋一本全 88 頁記載住遊戲中會遇到既各角色、武器解說同埋海拉爾世界地圖咁，基本上對爆晒機既各位都係無乜用既，但係要黎儲就真係一流啦！
咁可能你會話我都買咗 Game啦，又買多隻咪好笨？呢點大家唔洗擔心，因為老任會另外係eShop 度單獨賣呢本野，盛惠 540日圓。至於隻新實體版就賣緊 7538 日圓，2件商品都係預約受付中，11月23日正式發售。
VJGamer總編，細細個已經蒲機舖，機齡甚深，熱愛電玩文化。