《刺客教條：起源》入面隱藏嘅要素極多，呢篇攻略除咗標示 14 個「古墓石板」嘅地點位置比大家知之外，仲會比提示大家各個古墓入面有咩需要注意。每個古墓入面都有唔少裝備以及珍貴道具「矽石（即係金黃色嗰粒）」可以拾取，所以絕對建議大家要探索哂古墓中所有嘅通路喔！
至於部份古墓中嘅「古代機關」有機會將另外再寫攻略文：）
01【古夫之墓】所在地區：吉薩
02【托特祟拜者之墓】所在地區：吉薩
謎題係重量計算：將正前方升降板上重石搬走；而左手邊升降板共需放置四粒重石
咁樣主角就可以從旁跳上正前方升降板搵到石板
03【亡者山墓】所在地區：鍚瓦
搬開雜物會開到新通道
04【流浪者之墓】所在地區：遺世沙漠
路嘅盡頭係水池，潛水後就會發現石板
05【黃金之墓】所在地區：遺世沙漠
呢個古墓玩「光折射」，搬動阻礙光線嘅雜物，總之確保光線折射成功
06【卡夫拉之墓】所在地區：吉薩
搬動雜物頂住船頭，然後跳上船身到二樓
07【孟卡拉之墓】所在地區：吉薩
通往石板嘅路係上面個入口
進入後，點燃箭，燒走頂頭木門
08【左塞爾之墓】所在地區：薩卡拉行省
呢度門開唔到架，死心啦（喂）
門左邊，打碎雜物，就可以通過牆下裂縫
密室入面，搵方法上到二樓，其中一度隱藏門後就係石板
09【斯尼卡魯之墓】所在地區：薩卡拉行省
呢個古墓都係玩重量平衡
解開細房間（較光嘅一間）入面嘅重量迷題，解開通往石板嘅通路
10【斯門卡瑞之墓】所在地區：大屋行省
如果你同我一樣係越級過區嘅就要小心，古墓入口啲動物全部有骷髏頭架 LOL
呢個古墓考你跳躍動作，第一次跳躍基本上一氣呵成；第二次跳躍就要靠邊柱上嘅黑色掛勾 fing 主角過去最後一塊升降板上面。
注意石板旁有兩個骷髏頭守衛，如果未夠 Lv 打，可等待兩人視線望另一邊時快速與石板互動
11【阿蒙涅姆赫特三世之墓】所在地區：大屋行省
入口喺上面：0
密室中共有兩扇木門喺地面，分別用火箭破壞
再入內將機關門破壞
注意入去後嘅水池有三條骷髏鱷魚
潛進水底游上樓梯發現石板
12【犬儒之墓】所在地區：雙權杖行省
基本上一條直路，但有好多癲狗咬，自己小心
13【行省長之墓】所在地區：黑色沙漠
搬動雜物頂住船頭，跳上二樓
破門後見石板
14【塞特・阿娜特之墓】所在地區：紅冠沙漠
又係玩光折射
呢個門口左轉
相關回帶文章：
《Assassin’s Creed Origins》十二星盤位置圖片攻略
【開創刺客新紀元】集 Ubisoft 大成之作《Assassin’s Creed Origins》遊戲評測
遊戲雜食向，FPS 苦手，全種類 RPG 專攻，重度聲優控。使用機種：Xbox Series X｜PS5｜Nintendo Switch｜Steam Deck。