其實一直都好多人唔係打開機既朋友問我「Switch 幾時破解到有得玩老翻丫」，咁我就一直笑而不語啦，除咗唔鼓勵人玩老翻之外，第二同第三個原因都係唔應該玩老翻（2018年啦大佬）。不過日前外國團隊就發布咗條新片宣稱已經成功破解咗現行所有版本既 Switch！！

成功破解 Switch 既外國團隊叫做 Team-Xecuter，佢地話已經成功破解晒現行所有版本既 Switch，佢地仲係影片展示咗疑似用自己系統既開機畫面，而目前團隊就正在準備更快更穩定既 OS，最快就會係2018春季公布。

不過講到尾，而家陸續都有遊戲廠推出中文化遊戲，都開始重視中文玩家市場，唔好因為貪小便宜而走去玩老翻丫，記住好既作品係需要玩家既支持架，希望老任盡快正視呢個問題，堵塞漏洞。