喜訊!《勇者鬥惡龍 創世小玩家》即將推出 Nintendo Switch 版本!!

之前係 Nintendo Direct 入面有講過《勇者鬥惡龍 創世小玩家2》會落 Switch 大家已經好興奮,估唔到環保大使 SE 會將之前大受好評既一代《勇者鬥惡龍 創世小玩家》落埋 Switch,而且最快今年 3月就有得玩啦!


對於未接觸過《勇者鬥惡龍 創世小玩家》既玩家可能以為佢同《Minecraft》差唔多,不過其實二個遊戲本質上面有好大分別,《Minecraft》既場景係屬於隨機生成而且可以無限地向外發展,擁有極高自由度,而且當中所有元素係開始時就開放晒,即係你知道點整就可以直接做出黎。

至於《勇者鬥惡龍 創世小玩家》屬於沙盒遊戲,佢既場景都係製作團隊預先做好,有固定限界,區與區之間亦都有大海分隔,無法自由穿越。而且遊戲既各種元素例如道具、建材等等都係要透過推故事進度先會逐步開放。係故事模式入面仲會有大量任務去引導玩家,要起屋的話仲會提供設計圖比你,只要照住設計圖黎砌真係3歲都起到樓出黎。

會有守村 Event,呢個時候就要返去同居民聯手抗敵

有迷宮比你探索

係戰鬥島可以瘋狂同龍王軍玩遊戲

收集素材建造工作台等設施去復興荒廢咗既城鎮

過程中會遇到幫助主角既人

 

今次 NS 版當然會追加新要素,係自由建造模式入面中,小殺人豹(ベビーパンサー)將會登場成為主角同伴。騎乘時可以二段跳同加快移動速度。攻擊模式就有爪擊同踩踏二種,如果使用踩踏黎擊敗敵人仲會得到特別素材「點陣」。用加工後既「點陣方塊」就可以做出 8bit 風格既人物、地圖等等。

小殺人豹

爪擊

踩死人就會跌「點陣」素材

用「點陣方塊」就可以做出 8bit 風格人仔

仲有初代 DQ 地圖

早期購入特典「史萊姆的眼睛」、「史萊姆的嘴巴」,可以隨意貼係物體表面

 

《勇者鬥惡龍 創世小玩家》NS版,會於 2018年3月1日推出,公開資料就話係日文版,暫時未知會唔會有埋繁體中文對應,售價 4800 日圓。

 

森麻

VJGamer總編,細細個已經蒲機舖,機齡甚深,熱愛電玩文化。

追蹤

Facebook 更多文章