唔少朋友嘅童年（？）回憶《百變小櫻》嘅新作《透明卡篇》動畫版已經於 1月8日 開始播放，咁……今時唔同往日，周邊出得比以前真係快好多！所以動畫開始播放無耐，官方已經宣佈會推出一系列《透明卡篇》嘅周邊精品，當中最令各大 Fans 或者 Cosplayer 驚喜嘅絕對係小櫻嘅新權杖將會 1：1 實體化發售！

《透明卡》權杖「夢の杖」由 TAKARA TOMY 會社同講談社合作發行，全長約 75cm，售價為 18,000円（税抜），預計 2018 年 4月 正式發售。

至於未「解除封印」變成權杖前嘅「夢の鍵」就會以頸鍊形式發售。

呢條「夢の鍵」鍊墜嘅部份為「橫 2cm x 高 3cm」；鍊身長度為 40 cm；售價為 3,500円（税抜），同樣預計 2018 年 4月發售。

另外兩樣周邊分別為「手提鏡」以及「潤唇膏」。

手提鏡大小為 7.5cm x 8cm（厚度為 1cm），售價為 3,500円（税抜）；
三款潤唇膏則為同捆裝，款式分別為小櫻三代權杖「封印の鍵」「星の鍵」「夢の鍵」，售價為 4,500円（税抜）。

以上四樣周邊即日開始接受網上預訂，仲可以發送海外架！預計四月份出貨，有興趣嘅朋友可以參考以下傳送門：

【預購傳送門】