【四十秒搞掂】《Monster Hunter:World》極速刷錢圖文攻略

相信大家屠龍屠到咁上下都有個共通既問題,就係無錢!今集既錢係極度缺乏,屠咁多年龍都未試過買回復藥都要就住就住。不過當遊戲進度發展到咁上下就會有一個極速刷錢既任務,最快四十秒左右就可以搞掂,用埋卷的話就最快四十秒賺 10800z,最慢都係分零鐘搞掂,即刻就教大家要點做!

首先遊戲進度要推到可以接6星任務,然後係任務版接呢個交貨任務「料理長的!興奮期待交貨委託」

為咗防止人亂入拉低收入,我會set參加人數為「1」,同時記得選出生營地為 1號南東營地

係1號南東營地出發

黎到第一個路口就跳落去,之後轉左

即係圖示呢個位置,係朵花前面 再轉左就會到下面幅圖

之後你就會見到有隻豬,跟住佢爬入前面呢個洞

爬出洞起身之後 Keep 貼右邊牆行就會見到第一舊古老化石,好運的話呢度就會完任

如果數量唔夠的話就係頭先舊化石旁邊直接跳落去,就會見到圖示位置,走入去轉左

就會見到有得爬上去,爬吧

爬上黎之後沿路行就會到呢個位置,繼續向前行

見到呢堆骨之後都係繼續向前行,會到達一個向下既斜坡

目標就係呢條藤蔓

向上爬

爬上去旁邊已經係第二舊古老化石,如果呢舊都挖唔夠數的話……

望向後面,會見到仲有一條向上既藤蔓

爬上去附近就會見到第三舊古老化石

地圖位置

每次完任仲一定送粒上鎧玉比你!成個流程最慢都係分零鐘完成!

如果都係搵唔到既,可以睇下我地既片段:

 

 

Price.com.hk 《魔物獵人 世界》中日英文合版價格查詢

回帶相關連結:

《Monster Hunter:World》全營地位置公開!

《Monster Hunter:World》最易襯衫麒麟裝任務出現條件公開!

《Monster Hunter:World》多人連線教學

《Monster Hunter:World》全14種武器簡單介紹及出招表

《Monster Hunter:World》官方活動任務時間表

《Monster Hunter:World》PS4 vs PS4 Pro 畫面表現及流暢度比較!

 

滅盡殺手

滅盡殺手 重度魔物獵人中毒者,歷代遊玩時間破億分鐘!

追蹤

更多文章