《Portal Knights》喺 2016 年時推出，分別落過 PS4 同 Xbox，喺日本同外國風評非常唔錯，黎到 2018 年終於食住個勢落埋 Switch！

呢個遊戲中嘅世界，由好多浮遊小島所組成，玩家可以自訂角色同職業，然後要利用唔同地方嘅地型，去開墾建設自己嘅村莊；同時要強化自己角色去探險、打怪、直至開拓哂成個世界為止。

雖然個玩法聽落有少少似《Ark: Survival Evolved》，都係要成班人一齊斬樹掘石黎起屋，不過《Portal Knights》畫風輕鬆好多，而且劇本……叫做有劇本啦，有濃厚 RPG 味要素，唔係淨係求生 Play，而係要打倒其他版圖嘅魔物去開拓自己嘅領土！

自訂角色可以揀性別外觀

職種分成戰士、弓箭手、魔法使

自己的家園自己建造～

淨係起屋相信都會花玩家唔少時間！

遊戲可以 Solo Play，亦可以 2 人同時玩（一人一隻手制）；如果係 2P 遊玩畫面就會以上下界面分割。

一個人去探索又得

2P 就上下畫面分割

遊戲同時支援最多 4 人同時遊玩，可以 Local Play，亦可以網連都得！有打《MHW》嘅朋友應該都深深明白，Solo Play 唔係唔得，但係 Team Play 嘅力量同埋樂趣真係多好多的！今次呢隻遊戲可以網上連線，絕對係吸引人落坑嘅誘因。

可以同朋友仔打招呼、做動作

屋入面可以極度個人化！

遊戲於 2018 年 4月19日 上市，售價為 3,300円（税抜），有實體版同數位版，而家搵定隊友就差唔多啦！