今時今日差唔多有超過一半既遊戲係要上網同人打，但係好多人都以為條線快就得，忽略咗其實隻 Router 都要與時並進。係早前 Router 界最強廠商 NETGEAR 就正式發布佢地第一隻專為電競而設既 Router「XR500」，仲誇下海口話「唔係打機既人唔好買呢隻！」，到底有乜咁掂？
Geo-filter 控制伺服器與對手
XR500 有個功能 Geo-filter，透過選擇你同對手及遊戲伺服器之間既距離，調整並全面控制網路遲緩問題，並且保證連線進最近既遊戲伺服器，而且仲可以自由篩選你喜歡或討厭既玩家同伺服器，咁上網打機可以預先 Blacklist 定d Lag機怪，打都打得爽d！
基本上已經預設晒，都唔洗點set
流量優先順序 QoS管理機制
XR500 本身會預設開啟 Anti-buffer bloat 呢個 QoS 管理機制，佢會自動偵測使用緊既設備係咪打緊機，如果係的話就會將遊戲既網路流量做最高優先順序, 來確保最低遲緩與穩定既遊戲體驗。當日現場測試係同 Network 下就算開埋 BT，打機果邊依然可以保持 21ms左右延遲，效能非常之優秀，最緊要係本身預設咗遊戲優先唔再需要左set右set，抵讚！
如果嫌頻寬拎得唔夠的話仲可以可以控制埋其他設備最大下載與上傳速度，盡顯話事人既風範，真係同屋企人講野都可以大聲d丫！
係右邊個六角型度拉就可以設定頻寬，超簡單
預設 VPN 唔洗搵餐死
好多時我地玩d外國 Game，甚至要睇部份外國既收費電視係需要用到 VPN 服務，一般黎講都係要自己去搵邊d地方有提供 VPN 服務，再入 Router 度 set 個 VPN 咁就用得。不過呢隻 XR500 就免除大家呢個煩惱，因為佢已經內置咗極龐大既 VPN 資料庫，你只需要入去揀想用邊個 Server 就得，極方便！
內置VPN 資料庫，揀啱就用得唔洗自己上網搵
同場加映 專業電競 Switch SX10
除咗 Router 之外佢地仲推出咗一隻專為電競而設既 Switch SX10，最大既賣點就係佢有 2個其他品牌罕見既 10-Gigabit/Multi-Gigabit Ethernet Port，就算d Game裝晒係 Nas 度都可以極速傳輸數據，淨係呢樣野已經好正。
另外每個 Port 都有獨立顯示燈標明連線狀況，每盞燈仲可以自定顯示顏色，要黎襯衫簡直一流！
除咗2隻10G Port之外仲有 8隻10/100/1000 Port