《Fallout 76》正式發表 新作將會係「線上生存 RPG」

超級耐玩又好玩既《Fallout》(異塵餘生)系列,係較早時間發表咗最新作品《Fallout 76》,雖然只有一條前導影片,但係綜合總多資訊後對遊戲有更多了解,係 E3 展前發布會進一步披露新作內容之前先了解一下。

 

綜合外媒報導,今次遊戲會以 76 號庇護所為背景,而且設定為核戰後 20 年後先開啟,比起 Fallout 3 同 4 已經係戰後 200 幾年,今集文明程度將會低好多。

而今次影配樂為 John Denver 既「Take Me Home, Country Roads」,係 1960 年代非常具代表性既歌曲,相信都係意味住今次  76 號庇護所既風格。

 

另外根據三位熟悉該項目人士透露,《Fallout 76》係屬於實驗性質既新項目。

外國好多玩家都會以為今次係《Fallout 3》重製,又或者係《Fallout: New Vegas》係新地點新作,但其實今次將會係一隻全新而且完全唔同既作品。

呢幾位消息人士表示,《Fallout 76》原本係作為《Fallout 4》既多人版本而設計,目標係設想 Online 版《Fallout》到底會係點,不過係過去幾年《Fallout 76》亦都發生咗相當大既變化。 《Fallout 76》將會有自己既任務及故事,就好似 Bethesda Game Studios 其他遊戲一樣,唔好忘記 B 社係一間有 Skyrim 呢類咁內容豐富 RPG 既開發商。

係《Fallout 76》入面,將會好似《Fallout 4》咁有基礎建設玩,由於受到《DayZ》、《Rust》等遊戲啟發,本作將會係一款「線上生存 RPG」,當然會加入生存及多人遊戲既機制。

 

最後就係《Fallout 76》並不只係 B社總部 Maryland 開發,最新係 Austin 既分部 都有參與。呢個工作室係正式成為 Bethesda Game Studios 一部分之前,一直都係研究一款叫做《BattleCry》既線上英雄戰鬥遊戲。不過都係果句「B社出品,必屬佳品」,質素方面應該無乜好擔心既。

 

《Fallout 76》 發售日期未定,將會有 PS4、Xbox One 及 PC 版本。進一步消息將會係 6 月 11 日上午 9 點 30 分,係洛杉磯 Bethesda E3 展前發表中全球同步直播。

 

五木

五木 動漫電玩宅,極愛金田一系列,擅長動作及策略遊戲

追蹤

更多文章