由 Team Ninja 製作既《仁王》系列最新作，終於亮相！係今日既 PlayStation E3 展前發布會上，正式公開黑暗戰國動作冒險遊戲《仁王 2》（NIOH 2）最新宣傳影片，基本上內容欠奉，玩法有無變化，主角有無變都唔知，主要都係話比大家聽「我開發緊，等下啦」。

加埋同樣地係 PlayStation E3 展前發布會公布既《Ghost of Tsushima》，以及 From Software 既《Sekiro：Shadows Die Twice》（隻狼：影死二次），黎緊將會有三隻同樣有日本武士風格動作遊戲登場。

《仁王 2》雖然就發表咗，但係不論光榮定係 Team Ninja 都無透露過幾時出，連 2019 年字眼都無，應該都仲係處於開發初期，大家慢慢等下先啦。