騎呢外科手術遊戲《Surgeon Simulator》 準備落 Switch!

講到外科手術 Game,我諗大家最熟悉既應該就係 NDS 年代既《超執刀》系列,果種劏人既既爽快感到而家仲記得(點解唔出新作)!其實早幾年都有推出過一隻同樣係玩外科手術既遊戲,遊戲名仲直接叫埋做《外科手術模擬器》(Surgeon Simulator)添,個名雖然咁勁,但係遊戲內容不乏搞笑場面。最近呢隻遊戲就出咗條新片,暗示即將會推出 Nintendo Switch 版本,相信好快大家就可以重拾劏人既樂趣啦!

 

《外科手術模擬器》由 Bossa Studios 開發,曾經係 HTC Vive、Oculus Rift、PlayStation 4、PSVR 等平台上推出。係日前既片段內表示黎緊將會有「骨折大新聞」,之後就出現玩家操縱既手去熄燈制開關,而開關制英文正正就係「Switch」,基本上都算係明示比大家聽架啦!

 

遊戲雖然話係外科手術,但係絕大多數既人玩呢隻遊戲都係諗緊點樣虐待啲病人。而且呢隻遊戲係 VR 平台上面主要係以騎呢既操作同物理引擎見稱,加上遊戲內會出現各式各樣病人,好似外星人甚至係參參都會有,相信黎到 Switch 之後都會好受歡迎,大家期待住先啦!

個病人好熟口面……

基本上大家都係諗點虐待啲病人

About 五木

五木 動漫電玩宅,極愛金田一系列,擅長動作及策略遊戲

Connect

View all Posts