【Octopath Traveler 八方旅人】快速搵錢法攻略:一分鐘賺 $2000 – 5000!

 

呢排相信好多朋友同我一樣,日夜埋首(講到好似唔駛做咁)於呢隻《Octopath Traveler 八方旅人》入面。喺幫角色開咗副職之後,唔知大家會唔會有「唔夠錢用」嘅煩惱?我自己就有以下少少賺錢心得,即管同大家分享。

我玩日文版的,以下攻略將盡量方便日英文兩語玩家。

 

 

(1)四人隊伍必須包括「トレサ(Tressa)」及「サイラス(Cyrus)」
Tressa 本身一路行會一路執錢;而 Cyrus 就裝備支授技能「エンカウント半減(Evasive Manuvers)」減低 50% 隨機遇敵風險。

如果想雙重保險,可以包括埋「オフィーリア(Ophilia)」,裝備技能「逃げる成功率アップ(Evil Ward)」確保不幸遇敵時可以馬上逃離戰鬥。

 

(2)Tressa 嘅執錢技能,喺 Lv 高嘅地方(起碼高於 Lv 45)會發揮最大作用,難度越高,執到嘅錢越多。玩家可以挑選任何一個鄰接 Lv 45 以上嘅區域,我自己就喺以下地區試呢個賺錢心得:

 

 

(3)Lv 50 嘅地區,如果本身你 Lv 唔夠嘅基本上一定會比怪秒的,所以每行一個圈要 Save 一次。進入「貴族の隠れ家」呢個地方後,向右行就係 Save Point,而我測試過十幾次,基本上由入口行去洞穴中 Save Point 來回兩次都極少機率會遇敵。

 

Save Point 在此。我仲可以安全地去開埋寶箱添 LOL

入口來回 Save Point 一個圈測試結果:$2,280 獲得

入口來回 Save Point 兩個圈測試結果:$5,130 獲得

 

點解我唔揀北方雪地行?係因為北方地區與地區之間、以及距離 Save Point 都太遠,遇敵風險比呢度更高,所以我先推薦以上地區。

以上係我少少心得,希望大家等錢用買裝備時可以參考一下喔!

 

神婆

神婆 非典型占卜師,唔神秘,無形象,除了鐘意聽客人講故事,夜間興趣係打機睇動漫同玩貓;日系遊戲及 JRPG 專攻! https://www.facebook.com/katechengyk

追蹤

Facebook 更多文章