我諗大家呢個年代嘅朋友，冇乜幾多個識或者見過獅子頭貨車喺街度行。上年 LEGO 創作人 Chakhei 都已經用 LEGO砌左架獅子頭貨車出嚟，不過佢喺啱啱嘅書展上買左本書之後又有新諗頭。

一年前嘅獅子頭貨車經過 Chakhei 喺葉偉青老師嘅新作《香港重機》得到靈感，用兩日時間就改裝左以下呢款「重機獅子頭貨車」

變形前後對比

舊作車尾貨斗就擺豬牛羊，新版就為變形要騰空空間去收埋對手

車頭擋風玻璃仲可以推返上去見到駕駛位置

大家仲記唔記得上個月介紹過亞洲最大 LEGO迷活動 JBF2018 展出嘅 聖鬥士星矢-黃金十二宮Sanctuary，當中包括 Chakhei 以及多位創作者組成嘅 銀芽騎士團 Silver Sprout Moc，亦會喺不久將來令《香港重機》入面嘅其他作品 LEGO 化。

如果你都想比啲意見 銀芽騎士團 Silver Sprout Moc 最想佢地創作邊款作品，可以去佢地嘅 Page 比個 Like 同留言比提議。而葉偉青老師《香港重機》除左喺各大書局買到之外，聽聞旺角信和 3樓 至GOAL CLUB 仲有簽名版買得到啊！

銀芽騎士團 Silver Sprout Moc Facebook Page 傳送門

Felix Ip 葉偉青老師 Facebook Page 傳送門