世嘉於舊年 2017 TGS（東京遊戲展）時公佈黎緊會出《人中之龍 Online》遊戲，對應平台為 iOS、Android 及 PC；事隔將近一年，官方終於推出有關遊戲嘅新宣傳片，仲開放左【事前登錄】添！

官方形容《人中之龍 Online》係《人龍》故事嘅「本格續篇」，當然啦，玩開《人龍》嘅玩家應該都知道《人龍 6》已經係桐生一馬擔當主角嘅最後一集，一眾玩家都好期待到底新一代《人龍》會以咩形式展現於眼前。

雖然呼聲極高嘅「真島篇」應該短期內就唔會有咩聲氣，不過，作為新一代「龍」亦即係《Online》版男主角嘅春日一番（中谷一博飾），唔知佢又會唔會得到 Fans 們嘅認可呢？

不過，家用機玩家亦都唔需要擔心世嘉將《人龍》從此 Online 化，因為工作室都表明「會繼續研發家用機嘅《人龍》故事》的。今年內《人龍》 3～5 都將會以 HD 化面世登錄 PS4，相信呢三代作品發售之後，世嘉應該會公佈下一步《人龍》企劃了吧？

有興趣玩《人中之龍 Online》的朋友可以到以下網址進行事前登錄：

【事前登錄傳送門】