【出戰前拜一拜】白兵神殿大進化 六臂白兵巨神!

好多星戰迷基本上將星戰當左一個信仰、宗教咁去睇,台灣創作者 MiniGray! 灰大佢就用左呢個諗發,上年喺創作比賽活動整左座小型嘅白兵神殿去參賽。

當中睇落成個神像級嘅白兵就主要用左LEGO 75531 Stormtrooper Commander 再修改而成,活動性同組件配搭都多左好多心思。

  

一年後今日,灰大將佢嘅白兵同神殿都再改良進化,唔係純粹執返一兩件組件再推出嚟,而係作大幅度修改而變成以下嘅白兵神殿 Blue Temple 2.0

香火都幾充足啊

用滑板場嘅組件砌屋頂

單睇表面,你都見座廟嘅規模都大左好,而且裝飾上多左唔少嘅擺設。但細心啲睇就會發現啲擺設其實係白兵神像嘅武裝!

而且灰大所改良嘅 白兵神像 2.0 原本係想以阿修羅三頭六臂去展示,不過試過擺三個頭落去真係唔多收貨,結果神像就只好得返六臂,三個頭當中兩個就像徵式放喺廟內就算啦。

所有武器都喺廟度架

最上兩隻手仲可以扮頸巾

灰大呢排都將佢好多舊作再改良,我地介紹過佢嘅 R-TYPE FINAL R-9A ARROW-HEAD 都因為有新件而再拎出嚟修改,不過佢就話仲要等埋 FORCE(武力機) 完成再同大家分享,咁有興趣嘅朋友就留意住佢嘅 Flickr 啦!

MiniGray! 作品 Flickr 傳送門

阿九

阿九 打機 - 識少少;玩具 - 識少少;睇戲 - 識少少;動漫 - 識少少..... 買膠、派膠、分享膠!Only The Best Is Good Enough! Lego Enthusiast https://goo.gl/HRnxDW

追蹤

更多文章