【真愛先好買】71043 LEGO 霍格華茲城堡逐格睇

9月1正式開賣嘅 71043 Hogwarts Castle 霍格華茲城堡係哈利波特迷夢寐以求嘅 LEGO Set,而且好多玩家都覺得入75954 Hogwarts Great Hall 加 75953 Hogwarts WhompingWillow,不如直接入霍格華茲城堡一次滿幾個願望,官方就出左售價係港幣 $3499,相對外國售價 USD $399.99 (約港幣 $3130)計埋稅的話都差不多。如果你仲十五十六緊嘅,不如睇下實物比唔比到決定你,我地依家先由 Minifigures、Microfigures同週邊設施開始啦!

正面外觀真係冇得輸

四大學院創辦人嘅 Minifigure,Godric Gryffindor 高錐客·葛萊分多、Helga Hufflepuff 海加·赫夫帕夫、Salazar Slytherin 薩拉札·史萊哲林同Rowena Ravenclaw 羅威娜·雷文克勞,當中三個都有佛地魔分靈體

Godric Gryffindor 高錐客·葛萊分多

印刷上 高錐客·葛萊分多交足功課,而且跟埋消失的密室留比哈利波特殺蛇嘅呢把劍

Helga Hufflepuff 海加·赫夫帕夫

海加·赫夫帕夫係呢 Set 其中一個有兩面嘅 Minifigure ,而且最重要當然係有作為分靈體嘅金杯

Salazar Slytherin 薩拉札·史萊哲林

另一個分靈體,薩拉札‧史萊哲林的小金匣需要除底鬍鬚組件先可以清楚睇得到

Rowena Ravenclaw 羅威娜·雷文克勞

羅威娜·雷文克勞係另一個有雙表情嘅 Minifigure,王冠亦係佛地魔分靈體之一

Minifigures 睇完就到 27 隻 Microfigures,當中有好幾隻真係 Fans 都未必認得到,如果認得晒 27 隻 Microfigures 嘅朋友,應該都係霍格華茲嘅校友啦!

非人類組:呢三隻無面口嘅就係棋盤黑白棋同埋學校大門嘅銅像

成人組:呢組有衣著服飾就易認啲啦,左起 Dolores Umbridge 桃樂絲·恩不里居、Bellatrix Lestrange 貝拉·雷斯壯、Lord Voldemort 佛地魔、Albus Dumbledore 阿不思·鄧不利多、Severus Snape 賽佛勒斯·石內卜、Minerva McGonagall 麥教授 麥米奈娃、Remus Lupin 雷木思·路平、Argus Filch 飛鼠先生 阿各·飛七

學生組葛萊分多學院,除左 Harry Potter 哈利·波特同哨牙嘅 Neville Longbottom 奈威·隆巴頓,其他就到大家開箱對返住本說明書先可能認得到

學生組史萊哲林學院,只係得綠衫金髮呢個記認去認得 Draco Malfoy 跩哥·馬份

學生組雷文克勞學院,藍衫金髮仲唔係 Luna Lovegood 露娜·羅古德

學生組赫夫帕夫學院,我只可以講我唔係校友,最白淨嗰個係咪 Cedric Diggory 西追·迪哥里,我諗說明書都冇交代到

仲有唔好漏左喺城堡上空嘅 Dementors 催狂魔

提供多個心得比大家, 71043 呢套冇哈利波特 Fans 最愛嘅 Hogwarts Express 霍格華茲特快列車,但 LEGO 喺前年嘅 LEGO Dimensions 系列曾經出過一 Set 71247 Harry Potter Team Pack,當中架火車就啱晒配合 71043 入面嘅 Microfigures,而且入面嘅佛地魔同 71022 Wizarding World Collectable Minifigures有所不同。所以入得 3 千幾嘅 71043 霍格華茲城堡,不妨比多少少入埋合 Team Pack 砌埋架火車擺埋一齊啦。 

呢個大細就 fit 晒啦,不過就得火車頭,要有車卡就要大家自己執件啦!如果都嫌唔化算淨想要火車嘅,就搵返說明書或者 PartList 去自己搞啦!

睇完啲人仔就到城堡啦,總數 6020 件呢個件數量,令 71043 躋身第二最多件數嘅官方產品,亦同時令城堡嘅外觀上達至同電影版一模一樣。近睇啲細節位置,你甚至覺得「原來座城堡有”咁”多 Detail!」我地由外到內,由面到底睇睇呢 Set 71043 Hogwarts Castle 賣啲乜。

匙扣底板加圓栱窗花做船仔都幾有諗頭

魔樹同海格間屋都一睇認到,而且設計上都夠晒仔細

一打開大門係咪已經響起主題曲呢,而門口象徵式擺返死神的聖物2嘅士兵像喺門口

最終決戰嘅長橋,唔好話點解條橋唔夠高啊,再高嘅話砌完真係頂天花架

大樓啲彩色玻璃效果係咪好靚呢

不過想咁好效果,記得喺窗後打燈啦!

蟄伏塔頂嘅挪威脊尾龍

雖然貼紙量真係好龐大,但印刷件上都唔係冇嘅

除左魔樹之外,另一個可活動嘅設施就係旋轉梯

反轉個城就發現所有嘅內裝,哈利波特迷應該情緒非常高漲

鄧不利多間房,如果你唔折面頭組柱,你連背後地球儀貼紙都未必睇得清楚

上校長室前嘅銅像,想上校長室記得講口令 Sherbet Lemon

經典三樓女廁嘅愛哭鬼麥朵比人貼上牆

長梯所有畫都係貼紙

再落就係密失大門,不過個門冇得扭冇得開,因為密室場景喺隔離

左邊條蛇係71043嘅版本,冇眼係因為故事中哈利波特入到密室,大蛇就比校長隻鳳凰佛客使 Fawkes 啄盲左,所以想要有眼嘅話就自己「點睛」或者抽 71022 Wizarding World Collectable Minifigures 嘅佛地魔啦

內裝最靚一定係大廳,外牆玻璃設計同製作方式都真係可以用「簡單而隆重」去形容

長枱同教師席都夠放晒所有 Microfigure

密室嘅提示就喺走廊當中,右邊就係萬應室門口

交誼廳

圖書館

萬應室

石內卜嘅魔藥學教室,個藥煲夠放兩三個 Microfigures 落去煮

路平教授嘅黑魔法防禦術教室

恩不里居辦公室

第一集神秘的魔法石嘅魔法棋局

喺 LEGO 玩家角度以呢個價錢,表面睇係一個成年人高超設計格局,將電影中顯示嘅霍格華茲城堡表露無遺。但係一反轉見到內部設計大小不一嘅設定,再加上貼紙地獄式嘅細節,可以話感覺到純粹象徵式交左貨,所有你地想要嘅我都擺晒落去啦!

但無可否認 71043 Hogwarts Castle 霍格華茲城堡呢座龐然巨物絕對係為哈利波特 Fans 而設,佢要擺要放嘅設施甚至房間都比晒大家,雖然大部份嘅細節都係用貼紙交代,不過喺 Fans 眼中佢已經係盡善盡美。

71043 Hogwarts Castle 霍格華茲城堡 9月1號星期六正式喺三間 LEGO Certified Store 正式發售,每人每日限購兩盒,售價港幣 $ 3499。

(拍攝:蕭若翹)

 

 

阿九

阿九 打機 - 識少少;玩具 - 識少少;睇戲 - 識少少;動漫 - 識少少..... 買膠、派膠、分享膠!Only The Best Is Good Enough! Lego Enthusiast https://goo.gl/HRnxDW

追蹤

更多文章