【合體Costume?】 LEGO萬聖節服裝系列

上幾年萬聖節,見得最多唔係 Harley Quinn 就 Wonder Woman ,再唔係就霍格華茲學生、星戰人物又或者其他 Superhero 喺街度走嚟走去,大家都習慣左萬聖節其實係 Cosplay 節啦掛?反正都係,我不如介紹啲啱 LEGO 迷買嘅 Costume 啦!

美國嘅 Disguise Costumes 向來都有出品啲動漫、電影人物角色嘅 Costume ,價錢都平靚正抵玩。今年佢地仲拎左 LEGO 授權出啲大人細路都啱玩嘅服裝,而且仲新到有今年年頭出品 18 代 Collectible Minifigures 嘅 Brick Suit Guy 同 Brick Suit Girl 服裝。

當然仲有童裝啦

而外國百貨公司 Target 網上商店亦有黃色版本開售

玩盡啲嘅可以扮埋成個 LEGO 人

Brick Suit 可唔可以前後拼埋就真係唔知(笑),不過喺 Target 網上商店 買成人 Size Costume,未計運費大約都係 $40-67 美金(約港幣 $314-526)不等,當然仲有其他 LEGO 角色嘅 Costume可以買到啦!依家睇定寄埋嚟香港就差不多萬聖節,有興趣嘅就去官網睇睇有咩款,再去唔同嘅網上商店格下價啦!

 Disguise Costumes LEGO 主題產品傳送門

阿九

阿九 打機 - 識少少;玩具 - 識少少;睇戲 - 識少少;動漫 - 識少少..... 乜都識少少但係唔怕問唔怕學,周身刀冇張利嘅阿宅!

追蹤

更多文章