《Shadow of the Tomb Raider》遊戲發售影片公開 超強截圖展示靚爆蘿拉

《Shadow of the Tomb Raider》(盜墓者羅拉:暗影)過二日就上市啦,相信唔少朋友仔已經係紐約返黎,準備定玩文明古蹟毀滅者盜墓者羅拉。係上市前 SQUARE ENIX 特別預先公開宣傳影片以及三將遊戲截圖,比大家先睹為快。

 

 

《Shadow of the Tomb Raider》係系列 Reboot 三部曲最終作,劇前連接住《Tomb Raider》、《Rise of the Tomb Raider》。系列 Reboot 後主軸係令玩家親自見證蘿拉既成長,由初出茅廬既冒險家,變成家傳戶曉既「Tomb Raider」故事。今次最終作將講述蘿拉深入南美洲古馬雅文明遺跡,穿越危機四伏既叢林及恐怖既古墓,探索埋藏於深處既寶藏,以及阻止敵對組織「聖三一」陰謀。

 

 

 

另外除咗官方三張截圖之外,著名有特別截圖技巧既外媒 Dead end Thrill 亦都分享咗一批《Shadow of the Tomb Raider》既全新截圖。佢地慣常會對遊戲畫面進行特殊既處理,加上超高解像度、mod 及特殊濾鏡等手法,往往令到截圖美觀程度達到前所未有既階段。

而今次呢批截圖,不單只蘿拉皮膚、面相、頭髮極為真實之外,身上既衣服材質亦都完美咁展示出黎,當然遊戲場景更加係靚絕,如果想觀賞全部截圖可以去呢度

 

 

《Shadow of the Tomb Raider》將於 2018 年 9 月 14 日發售,對應平台 PS4 / Xbox One / PC,支援繁體中文。

 

五木

五木 動漫電玩宅,極愛金田一系列,擅長動作及策略遊戲

追蹤

更多文章