【遊戲感想】非《蜘蛛俠》Fans 表示一玩傾心《SPIDER-MAN》絕對係今年傑出之作!

 

《Marvel Spider-Man》作為 PS4 本年度重量級大作,加上推出之後,網路上面無論玩家 Twitter,定係外媒評價都係一致唱好,原本我都有諗過寫呢篇感想會唔會無咩意思。

直至我爆機之後,同機友傾開計,先發現大家對故事原來有完全唔相同嘅想法。

機友,係非常忠實《Marvel》Fans,我指睇漫畫嗰種,佢熟《Spider-Man》係熟到幾乎遊戲入面每套 Costume 都講得出來歷嘅呢種程度。同佢傾開,先知漫畫原著、電影、去到遊戲嘅《蜘蛛俠》,其實係好唔同嘅故事。

我唔熟原作,所以今次呢篇感想,係以純機迷心態去同大家分享的,知道部份朋友未打爆機,所以本文並無劇透(心)

 

 

入 Game 無幾耐,因為遊戲要玩家影地標嘅關係,我同時做左樣好傻豬嘅野,就係開住電腦睇紐約 Google Map,一路喺遊戲中搵出同現實裡相同嘅根據。

點解?因為遊戲畫面實在太靚,我未去過東岸(淨係去過西岸,所以玩《Watch Dog 2》嘅時候我好開心咁係咁話「哇我去過呢度!」LOL),而遊戲裡面嘅畫面,非常像真地塑做左一個融合《Marvel》設定+現實紐約嘅世界出黎,例如我走去帝國大廈度玩,佢 102 樓真係整返個觀景台出黎;Peter 路經奇異博士間屋、以及復仇者大廈時,都會有特別對白等等。

然後不得不提好多過場小動畫,特別係開放左 Fast Travel 之後,Peter 每次坐地鐵嘅畫面我都會忍唔住 Cap 低;無論係比人當做 Cosplayer 又好,比人心諗你做乜勁都好,坐車時嘅小小場景,工作室居然都可以諗到咁多種畫面出黎,而唔係就咁出個「Loading…」畫面就算,呢啲咪心思囉。

 

「如何避開巡邏坐到車而不失霸氣」

 

仲有一開始好多朋友睇漏眼嘅「社交網絡」部份,Peter 喺遊戲中成日講廢話(但好好笑)不特止,仲玩埋 Twitter 做 KOL,見到佢啲網友同佢嘅留言同互動,令到 Spider-Man 變得非常有血有肉。

 

Fisk x Spider-Man 呢個配對我覺得太 Heavy……

CP lol

 

不過,當然啦,遊戲亦都唔係完美嘅!系統方面,唔少朋友話佢似 2015 年嘅遊戲《Batman Arkham Knight》,OK 我承認的確好似(笑)不過《蜘》喺難度上面就平易近人好多,一來好多支線都會 Exactly 話比你知地點喺邊;二來,唔知大家認唔認同,就係遊戲中咁多隻 Boss 嘅難度都好似比「基地」「據點」鎮壓戰要簡單咁樣。

 

 

講左 Boss 戰先。

Martin Li(李柱銘負面先生)我覺得係遊戲中比較用心嘅 Boss,不過其實大部份頭目戰都係得個樣威威,全部人嘅招式變化都有既定 Pattern,非常好捉摸,好多都係用網封住、L1+R1 投擲就可以進行必殺攻擊,加上 Peter 遇上攻擊前會有白色提示叫你要完美迴避,所以,基本上唔心急就能夠順利通關了。

我諗,最令我失望嘅係最後一個 Boss「八爪魚」,因為講好左唔劇透所以容許我咁稱呼佢 LOL!因為故事入面營造到佢有幾勁、套裝備直情好似精神感應高達咁威威,所以我原本期待佢嘅戰鬥會有多啲變化,結果黎黎去去都係比佢用腳仔吉吉吉咁……orz

頭目戰難度比較單一,應該是我對遊戲唯一的不滿吧?(笑)工作室可能係想令玩家更專注在劇本上面吧?

至於啲據點戰我係打得好爽的,我習慣嘅玩法係 First Wave 玩潛入「空中攻擊」,掛到成燈柱都係人感覺真係好治癒;然後 Wave 2 開始就落去開無雙(道具開發哂之後,就算敵人幾多都會變成蜘蛛無雙…)。

 

 

《蜘》嘅動作操作係做得極好的,無論係攻擊及迴避嘅爽快度同埋流蜴度、穿梭城市時 Swing 黎 Swing 去等等,做到可以「瞬間看紐約而唔 Lag 機」呢一點要讚,爽到我嗰期每日出門口時都好想 R2+X 將我由屋企送去銅鑼灣,一條直路應該兩分鐘就到 orz

 

Swing 時屁屁要夾緊(重點錯)

 

至於故事方面,我知道原著 Fans 對遊戲部份情節安排表示不解或者唔滿意(例如綠魔並無出現、梅姨嘅發展等);不過對於非 Fans 嘅我黎講,今次為遊戲而重新編寫嘅劇本,我其實好收貨,人物性格塑造立體,角色背景交代清晰,反而係引起左我對原著故事嘅興趣的。

如果同我一樣已經爆機嘅玩家,相信都知道遊戲絕對會出續集,而我亦都好耐未試過咁期待一隻遊戲推出續集了。不過,如果在座有 MJ 嘅男 Fans,我要講句對唔住,因為遊戲中好想將 MJ 塑造成堅強勇敢嘅女主角,但係現實角度去諗,我淨係覺得佢成日自把自為、上演自殺逞強 Play,有少少煩 orz

 

 

至於梅姨……未爆機嘅朋友,FEAST 呢個地方,有得入就入多兩次啦,爆左機就入唔返了。我愛梅姨。

 

 

至於下集主角仲係唔係 Parker,定係黑鬼 BB 會同佢拍住上呢?第一集《蜘蛛俠》做得咁出色,希望到第二集時都會繼續維持水準,或者有更令人驚艷嘅地方。

 

我喺遊戲入面絕對自拍成癮…

 

相關文章:
【其實係彩蛋】當全世界盛讚《Spider-Man》超卓畫質時……你有無跳出海睇過?

神婆

遊戲雜食向,FPS 苦手,全種類 RPG 專攻,重度聲優控。使用機種:Xbox Series X|PS5|Nintendo Switch|Steam Deck。

追蹤

Facebook 更多文章