【正過SW激光劍】《Overwatch》源氏愛刀「龍一文字」官方開售

先唔理你玩《Overwatch》有冇用開 源氏Genji  呢個角色,玩得多你聽到「龍神の剣をくらえ!」都記得佢全盔甲造型同佢把「龍一文字」

Blizzard 喺佢官方網店開賣呢把 48吋長(約 122 cm)嘅「龍一文字」,雖然成把刀都係膠製(PVC加ABS),不過唔係你喺啲展覽活動定乜乜節買到或見到嘅質素,佢仲有發光同發聲功能,揮刀亦有聲效,仲有埋「龍神の剣をくらえ!」呢句對白。

聽落好似同孩記啲SW激光劍差唔多,不過「龍一文字」仲有刀鞘同刀架跟埋一 SET!「龍一文字」售價 $200美金,計埋送嚟香港運費大約港幣 $1687-$1800,今年 12月中出貨,有興趣嘅朋友就去佢網店訂啦!

暴雪官方製作《Overwatch》源氏「龍一文字」訂購傳送門

阿九

阿九 打機 - 識少少;玩具 - 識少少;睇戲 - 識少少;動漫 - 識少少..... 乜都識少少但係唔怕問唔怕學,周身刀冇張利嘅阿宅!

追蹤

更多文章