【大家料事如神】SE x 鎌池和馬老師果然係推出手機遊戲《神角技巧と11人の破壊者 》

 

早前同大家報導過 Square Enix 同電擊輕小說作家鎌池和馬老師即將進行合作計劃,唔少網友冰雪聰明,一睇就估到係手機遊戲……其實我地當時唔係無諗過嘅,但我地唔想面對 SE 又出手機 Game 啫 orz

新企劃名字為《神角技巧と11人の破壊者》,iOS 及 Android 對應,預計 2019 年上架。

同其他時下好多手機歷險 RPG 類似,《神角》擁有強大聲優陣容、10 月 29 日已經會先行漫畫化;而遊戲中負責動畫製作的 TRIGGER 會社,最近一套自家作品相信係令一眾朋友睇到百感交集……嘅《DARLING in the FRANXX》,睇情況呢套《神角》會係黎緊嘅新番動畫之一,同時亦相信鎌池和馬老師會同時執筆輕小說部份,進份企劃大包圍!

 

 

遊戲為動作型 RPG,不過,我都有少少好奇,呢種異世界勇者向後宮系作品,目前是否已經喺市場上面有少少飽和嘅狀態呢?雖然遊戲及動漫畫一日未出街,我地都好難定奪佢係咪好作品;不過,睇目前公佈嘅設定,相信不過不失,但要抓住大家的眼球,似乎都唔係咁容易。

先行動畫公開如下,你又對《神角》會唔會有興趣呢?

 

神婆

遊戲雜食向,FPS 苦手,全種類 RPG 專攻,重度聲優控。使用機種:Xbox Series X|PS5|Nintendo Switch|Steam Deck。

追蹤

Facebook 更多文章