《Fallout 76》遊戲重現現實度假村 「還原度真高阿」

萬眾期待,由 Bethesda 所推出既《Fallout 76》好快就推出,隨住發售日越黎越接近,遊戲相關消息就越黎越多。最近外媒 IGN 就遊戲內既場景同現實場景做對比,整體做得非常出色,真係能夠講返句「還原度真高阿」!

 

 

《Fallout 76》遊戲設定係 2102 年核戰爭摧毀地球 25 年之後,位於美國西維珍尼亞州,遊戲內有眾多著名真實景點,例如西維珍尼亞議會大廈、新河峽大橋等等。而今次做對比既就係遊戲內叫做「Whitespring Resort」既渡假村,取材自一間叫做「The  Greenbrier」既豪華渡假酒店。除咗見到 B 社極忠實地還原場景外,仲巧妙地加入「輻射元素」,令到成件事 Fallout 晒,作為 Fans 我非常之滿意!

 

 

另外由於今集會變成 Online Game 既關係,好多玩家都擔心會失去原來《Fallout》系列既味道。係日前官方正式公開咗今集既遊戲主題音樂,係由曾經製作《Fallout 3》音樂既 Inon Zur 操刀,而佢亦曾經為《波斯王子》、《Dragon Age: Origins》等作品製作配樂。至於今次新作音樂有無 Fallout 味?自己聽下咪知。

 

《Fallout 76》將於 11 月 14 日上市,對應平台為 PS4 / Xbox One / PC。

五木

動漫電玩宅,極愛金田一系列,擅長動作及策略遊戲

追蹤

更多文章