當大家興高采烈地心諗《絕體絕命都市 4》今年終於出到嘅時候，官方剛剛宣佈，遊戲將會由 10 月 25 日延期至 11 月 22 日，原因話想提昇遊戲品質咁話。

遊戲延期，其實都係一件平常事；而遊戲就算延期至 11 月中，其實都仲係 2018 年內；不過，因為《絕體絕命都市 4》呢隻遊戲自宣佈推出而黎，都算係多災多難，日本接連遇上自然災害，一眾網友都好擔心遊戲會唔會自肅而再度失蹤。

當然，亦有一種說法係遊戲唔想撞上備受玩家期待嘅大熱遊戲《Red Dead Redemption 2》（10 月 26 日上市）所以先會延期，係一個商業決定。

對於玩家黎講，你幾時出唔緊要，只要出到就皆大歡喜了～

延伸閱讀：
【都市傳說的終結】今年十月《絕體絕命都市 4 Plus》鐵定上市！